ວິທີລົງທະບຽນ TDAC ສໍາລັບຄົນລາວ

TDAC ແມ່ນຫຍັງ

ກ່ອນອື່ນເຮົາມາທຳຄວາມເຂົ້າໃຈກັນກ່ອນວ່າ TDAC ນັ້ນແມ່ນຫຍັງກັນແທ້

TDAC ຫຼື Thailand Digital Arrival Card ແມ່ນແບບຟອມອອນລາຍທີ່ໃຊ້ແທນບັດ ຕມ.6 ແບບເຈ້ຍ ເພື່ອໃຫ້ຊາວຕ່າງຊາດຕື່ມຂໍ້ມູນກ່ອນເດີນທາງເຂົ້າປະເທດໄທ.

ມີຈຸດປະສົງເພື່ອອຳນວຍຄວາມສະດວກ, ຫຼຸດຜ່ອນຄວາມຍຸ້ງຍາກ ແລະ ເພີ່ມຄວາມປອດໄພໃນການກວດຄົນເຂົ້າເມືອງ.

ທຸກຄົນທີ່ເດີນທາງເຂົ້າໄທຈະຕ້ອງຕື່ມແບບຟອມລ່ວງໜ້າຢ່າງໜ້ອຍ 3 ວັນກ່ອນການເດີນທາງ ຫຼື ແບບໂຫດໆຕື່ມໜ້າງານກໍໄດ້ແຕ່ເສຍເວລາຊີວິດພ້ອມດ້ວຍການຖືກສວດ.

ຂັ້ນຕອນການລົງທະບຽນແບບຟອມ (10/07/2025)

ກ່ອນເລີ່ມລົງທະບຽນຄວນກຽມຂໍ້ມູນ:

1. ໜັງສືຜ່ານແດນ (Passport)
2. ຂໍ້ມູນການເດີນທາງ (ເລກຖ້ຽວບິນ/ພາຫະນະ)
3. ທີ່ຢູ່ທີ່ພັກໃນປະເທດໄທ
4. ຂໍ້ມູນສຸຂະພາບ (ຖ້າຈຳເປັນ)

ຂັ້ນຕອນທີ 1

ເຂົ້າເວັບໄຊທ໌ທາງການ https://tdac.immigration.go.th/arrival-card/#/home

• ຍືນຍັນວ່າເຮົາບໍ່ແມ່ນໂລບ໋ອດ
• ຄົກປຸ່ມ “Arrival Card”

ຂັ້ນຕອນທີ 2

ປ້ອນຂໍ້ມູນສ່ວນຕົວຂອງທ່ານຕາມແບບຟອມທີ່ປາກົດ

ຂັ້ນຕອນທີ 3

ປ້ອນຂໍ້ມູນການເດີນທາງແລະທີ່ພັກ

ຖ້າໄປເຊົ້າແລງກັບໃຫ້ເລືອກວັນທີດຽວກັນກັບມື້ເດີນທາງເຂົ້າແລະບໍ່ຕ້ອງປ້ອນຂໍ້ມູນທີ່ພັກ

ຂັ້ນຕອນທີ 4

ຈະມີການໃຫ້ປ້ອນຂໍ້ມູນດ້ານສຸຂະພາບຕາມທີ່ກະຊວງສາທາລະນະສຸກກຳນົດ - ຖ້າປະເທດທີ່ເຈົ້າໄປພາຍໃນສອງອາທິດຜ່ານມາຢູ່ໃນລາຍຊື່ສ່ຽງຂອງກະຊວງສາທາລະນະສຸກ, ລະບົບຈະແຈ້ງໃຫ້ເຈົ້າປ້ອນຂໍ້ມູນທີ່ຈຳເປັນເພີ່ມຕື່ມ

ຖ້າຢາກລົງທະບຽນໃຫ້ຫຼາຍຄົນ ໃຫ້ຄລິກປຸ່ມ “Add Other Travelers” ເພື່ອເພີ່ມຂໍ້ມູນນັກເດີນທາງຄົນຕໍ່ໄປ

ຂັ້ນຕອນທີ 5 (ສຸດທ້າຍ)

ກວດສອບຂໍ້ມູນທັງໝົດ

ປ້ອນທີ່ຢູ່ອີເມລເພື່ອຮັບການຢືນຢັນການລົງທະບຽນ TDAC, ຍອມຮັບເງື່ອນໄຂແລະຂໍ້ກຳນົດ, ແລະຄິກ “Submit”

ປລ. ຖ້າມີເມວສົ່ງມາຢຶນຢັນກໍເປັນອັນສຳເລັດອິອິ